Никола Димитров: Патот не ни' е лесен ама заедно ќе си го обелиме образот
Објавено во: Македонија 29 Мај, 2017
Идниот министер за надворешни работи кој го предложи мандатарот Заев, Никола Димитров на социјалните мрежи искажува благодарност за номинирањето и поддршката која ја добил за да ја извршува оваа функција.
Димитров на Фејсбук пишува дека негова чест е да биде достоен на оваа голема одговорност.
„Драги сограѓани, познати и непознати,
Ви благодарам на честитките и поддршката за номинацијата да бидам министер за надворешни работи на нашата Македонија. Ако предлогот добие доверба во Собранието, ќе вложам се' што имам - умот, совеста, душата и сета енергија и искуство - да бидам достоен на оваа голема одговорност. Да претставувам едно ново лице на Македонија што ќе оди напред, ќе биде почитувана и што ќе има пријатели во светот. Патот не ни' е лесен, ама сите заедно, ќе ја освоиме планината и ќе си го обелиме образот“, пишува Димитров.
Биографијата и искуството покажуваат дека тој е компетентен за оваа позиција, но како ќе работи и ќе ја претставува Македонија надвор допрва ќе видиме.
Повеќе за Никола Димитров и неговото искуство прочитајте тука --> ДОСИЕ Никола Димитров: Кој е министерот кој ќе управува со кормилото на министерството за надворешни работи