НИНА АНГЕЛОВСКА БАРА ШЕСТМИНА РАБОТНИЦИ ЗА ГРУПЕР - на ексминистерката и оди добро во првичниот бизнис

Добивај вести на Viber

Поранешнта министерка за финансии, Нина Ангеловска, која се врати на својата прва љубов, компанијата за е-трговија „Групер“, бара шестмина вработени за нејзината фирма.

Огласите се објавени, а Ангеловска нив ги објави и како story преку својот инстаграм профил, за шесте позиции за кои се повикуваат да се пријават млади и амбициозни луѓе. 

„Види ги отворените позиции во најголемиот сајт за е-трговија на пазарот. Работи заедно со млади и мотивирани колеги во пријателска средина, со можност за напредок и секојдневно учење“, стои во огласот.

Позиции за кои се бараат работници се Проект менаџер за Групер шопинг мол, специјалист за продажба, видео едитор, графички дизајнер, референт за финансии и менаџер за социјални медиуми. 

Во огласите е опширно наведено со што би се занимавале новите вработени, какви вештини и квалификации им се потребни и како да го пополнат CV-to, но не се наведени платите кои тие би ги земале во компанијата.

На пример, за првата позиција се вели дека Групер шопинг мол е нов проект што го лансира компанијата, во кој постои голем потенцијал за брз раст.

Штом се бараат нови шестмина вработени, значи дека овој првичен бизнис на кој сега пак му се врати екс министерката за финансии, е во добра кондиција, или едноставно, неа и оди добро на оваа позиција. 

Покрај ова, Нина Ангеловска кон крајот на минатата година, на предлог на Владата, беше избрана и за член на Одборот на директори на Македонски телеком.