Нина Ангеловска најави финансиска помош за извозните компании
Објавено во: Економија 21 Мај, 2020
Нина Ангеловска, министерката за финансии, на денешната прес-конференција, од септември најави финансиска помош за извозните компании, зборувајќи за третиот сет на економски мерки.
- Несериозно би било од Владата ако не димензионира мерка за оваа индустрија за септември. Таа индустрија придонесува со 20 проценти од Бруто домашниот производ на земјата. Вработува над 25 отсто од работниците. Тоа е комплетно извозна индустрија и додава вредност на македонската економија. Во овој период ќе биде ранлива затоа што ги губи врските со странските нарачатели и со добавувачите и нема да им биде лесно повторно да ги воспсотават контактите ако не им помогнеме, вели Ангеловска.