НИШТО ОД МИРОТ: Нови судири и жртви во Кашмир

Добивај вести на Viber

Нови судири има во областа Кашмир, при што во погранично гранатирање се убиени четворица. 

Индиските и пакистанските војници повторно бомбардираа позиции и села по должината на нестабилната граница во Кашмир, при што загинаа најмалку четворица цивили, а четворица се повредени.

Жена со две деца загинала во пакистанското гранатирање на едно село во Индија.

Пакистан тврди дека индиските војници „неселективно ги гаѓале граничните села“ со тешко оружје и убиле едно момче.

Властите на двете земји за најновите конфликти го користат стариот речник, велејќи дека нивните војници „соодветно“ одговориле и обвинувајќи ја другата страна за „неиспровоцирано“ кршење на договорот за прекин на огнот од 2003 година на неколку места по должината на границата во Кашмир, со напад на воени позиции, како и на села.

Во меѓувреме пакистанскиот владин претставник Умар Азам денеска изјави дека индијските трупи со тешка артилерија неселективно напаѓале погранични села, при што било убиено момче и тројца биле повредени.

Тензиите се зголемуваат постојано откако индиски авиони во вторникот влегоа во Пакистан и извршија, според Њу Делхи, превентивни напади врз екстремистите обвинети за самоубиствениот напад на 14 февруари во индискиот дел на Кашмир, при што загинаа 40 индиски војници.

Од Индија тврдат дека Пакистан ги поддржува таквите групи во нападите.

Пакистан возврати, во средата собори индиски Миг-21 и го зароби пилотот, кој вчера ѝ беше вратен на Индија како мировен гест.