НИШТО ОД СРЕДБАТА ПУТИН-ТРАМП: Веројатно е само „здраво“!
Објавено во: Свет 10 Ноември, 2017
Претседателот на САД Доналд Трамп нема да се состане на маргините на азиско-пацифичкиот самит во Виетнам со рускиот лидер Владимир Путин, соопшти Белата куќа.
Двајцата лидери се наоѓаат во Виетнам, но како пренесе Ројтерс, до посебна средба, која е најавувана, нема да дојде.
„Состанокот не беше потврден. Ќе бидат на исто место, но дали ќе налетаат еден на друг и ќе си кажат здраво, сигурно е можно и веројатно, но официјална средба не е забележана на календарот“, соопштила портпаролката на Белата куќа Сара Сандерс.
Ројтерс пренесе дека руските агенции објавиле дека портпаролот на Кремљ Димитриј Песков рекол дека на евентуална средба Путин и Трамп се работи.
„Разговорите продолжуваат. Ништо не е разјаснето“, рекол Песков.
Foto: EPA/Michael Klementyev/Sputnik