Нов спор меѓу Рим и Париз - за која тема не се сложуваат?
Објавено во: Свет 02 Јули, 2019
Нов вербален спор се појави меѓу Рим и Париз поради мигрантите.
Претставничка на француската Влада денеска ја обвини Италија дека се однесува „хистерично“ во однос на миграцијата. На ова италијанскиот министер за внатрешни работи Матео Салвини возврати дека Франција би требало да ги отвори своите пристаништа за мигрантите. Од Франција порачаа дека Италија не е на ниво на задачата и дека не е дорасната.
Париз и Рим, лани повеќе пати се судрија во однос на миграцијата, затоа што италијанската Влада настојува да спречи хуманитарни спасувачки бродови со мигранти да впловат во италијанските пристаништа.
Инаку, словенечката и италијанската полиција денеска ќе патролираат долж границата со цел да спречат илегална миграција.
Таа мерка е дел од договорот потпишан од две земји, кој се очекува да се спроведе до 30 септември.