Нови 7,5 милијарди евра одобри Еврогрупата за Грција
Објавено во: Балкан 14 Мај, 2013
Деблокирање на нова транша помош од 7,5 милијарди евра одобрија министрите за финансии од земјите од еврозоната за Грција.
Првата транша од 4,2 милијарди евра ќе биде деблокирана во наредните денови, додека втората транша од 3,3 милијарди евра ќе биде одделена во јуни, под услов Грција да ги примени реформите, договорени со кредиторите.
Еврогрупата денеска го разгледува вториот отчет за примена на вториот план за спасувачката програма за Грција. Отчетот е подготвен од експерти од тројката кредитори на Грција, Европската комисија, Меѓународниот монетарен фонд и Европската централна банка.
Претседателот на Еврогрупата Јерун Дејсеблум истакна дека Атина демонстрирала добар напредок за реализирање на структурните и финансиски даночни реформи. Позитивните резултати во таа насока се изразуваат во намалување на буџетскиот дефицит и подобрување на ситуацијата на банкарскиот сектор, додаде претседателот на Еврогрупата.