Нови компании во состав на SEE Link индексите
2 нови компании вклучени во SEE LinX и SEE LinX EWI индексите
Објавено во: Мои пари 18 Декември, 2017
Откако берзите од Бања Лука и Сараево станаа активни членки на SEE Link во август 2017 година, индексите на SEE Link - SEE LinX и SEE LinX EWI се ревидирани со цел да се вклучат нови компании и да се обезбеди порепрезентативен опфат на пазарите на SEE Link.
Комисијата за индекси на SEE Link ги вклучи следните акции во SEE LinX и SEE LinX EWI индексите:
•Telekom Srpske a.d. Banja Luka (Banja Luka Stock Exchange)
•BH TELECOM D.D. SARAJEVO (Sarajevo Stock Exchange)
Компании во состав на SEELinX и SEELinX EWI индексите од 18 Декември, 2017:
Пресметката на индексите со новиот состав ќе започне од 18 декември 2017 година.
Индексите на SEE Link ‒ SEE LinX иSEE LinX EWI ‒ беа лансирани во почетокот на април 2016 година. Индексите се составени од најактивно тргуваните регионални компании кои котираат на седумтте берзи кои партиципираат во SEE LINK. Со пристапувањето на новите берзи,се врши периодична ревизија на индексите со цел да се обезбеди порепрезентативен опфат на пазарите на SEE LINK.
SEELinX index е индекс пондериран според пазарната капитализација прилагоден за слободните акции(free float) на секојa компанија, додека SEELinX EWI е еднакво пондериран индекс со истите компании.
Базната вредност на секој индекс е поставена на 100 поени и се пресметува во реално време во евра (ЕУР).
Системот за пренасочување на налози на SEE LINK сега поддржува тргување на вкупно седум пазари, со вкупна пазарна капитализација на пазарите од повеќе од 50 милијарди САД долари и над 1200 хартии од вредност кои можат да се тргуваат. Вкупно 34 инвестициски компании (брокерски куќи) можат да тргуваат преку SEE LINK.
Атинската берза се подготвува за поврзување со SEE LINK и уште една регионална берза изрази интерес за приклучување.
Системот има за цел да ја зголеми ликвидноста и да го подобри пристапот на инвеститорите и локалните брокери на пазарите на SEE LINK .