Новинарот Арбен Раткоцери вели дека Касами прави шоу со знамето на Голема Албанија
Објавено во: Македонија 26 Август, 2023
Новинарот Арбен Раткоцери на Фејсбук реагира откако вчера тетовскиот градоначалник Билал Касами повторно зад себе имаше знаме на Голема Албанија додека промовираше улица.
Вели дека Касами своето „шоу“, го направи токму кога специјалниот пратеник на САД за Западен Балкан, Габриел Ескобар се обидуваше да ја убеди македонската опозиција за придобивките од европски исчекор на Македонија.
„Токму дента кога американскиот пратеник Ескобар во Скопје врши максимален притисок врз главните политички фактори за уставни измени, градоначалникот на Тетово Биљал Касами го одби со инаугурација на 'улички поплочени со бекатон'. Сето тоа придружено со патетична иконографија со знамиња и мапи на Етничка Албанија. Акција координирана со некого заради повеќе од нормални реакции и иритација на македонското мислење и дефокусирање на посетата на американскиот функционер на Скопје“, напиша Раткоцери.