Новo простување на долговите на Грција?

Добивај вести на Viber

Грција страда од огромна тежина на долгот што го прави економското закрепнување на земјата речиси невозможно. Најлесен начин да и се помогне на земјата е да се отпише дел од долгот. Вака гледа на работите Тројката-групата експерти од Европската комисија, Европската централна банка и ММФ, која го следи напредокот на реформите во грција, пишува германскиот весник Шпигел. За време на подготвителна дискусија за следната средба на министрите за финансии на еврозоната, претставниците на Тројката предложиле второ реструктуирање на долгот на Грција.  При првото простување  на почетокот на годината, приватните кредитори се откажаа од повеќе од 50% од своите претензии и на тој начин и опростија на земјата стотици милијарди евра. Сега се очекува да настрадаат пред се јавните кредитори, кои во главно ќе бидат членки на еврозоната, кои во изминатите две и пол години и исплатија околу 127 милијарди евра на Грција. Заедно со помошта од ММФ,  износот е дури 149 милијарди евра. Министерот за финансии на Германија Волфганг Шојбле се обидува да го отфрли прашањето за простување на долгот како невозможен варијанта. "Не може на должник кој не враќа своите обврски, да му се обезбедат нови пари", изјави Шојбле во интервју за Deutschlandfunk.