Објавена покана за изградба на пречистителна станица од 136 милиони евра во Скопје
Објавено во: Економија 25 Јуни, 2020
Скопското јавно претпријатие Водовод и канализација денеска ја објави поканата за претквалификација за избор на најповолен понудувач за проектирање и изградба ба пречистителна станица за отпадни води во Скопје во вредност од 136 милиони евра. Заинтересираните компании за изградба на постројката за третман на отпадни води ќе можат да аплицираат до 17 август, кога повикот ќе биде затворен.
„Ги повикуваме сите заинтересирани компании да аплицираат за претквалификација за избор на најповолен понудувач за проектирање и изградба на постројка за третман на отпадни води Скопје. Документите за претквалификација може да се добијат во канцеларијата на Проектната единица за имплементација на Проектот за ПСОВ – Скопје, во Дирекцијата на ЈП Водовод и канализација – Скопје, ул. Лазар Личеноски бр. 9. На барање на заинтересираните страни, документите може да бидат пратени електронски во пренослив или отворен формат. Крајниот рок за поднесување на апликациите, согласно барањата и критериумите наведени во Поканата, е 17 август 2020 година до 12:00 часот (по локално време)“, информира денеска јавното претпријатие.
Официјалниот документ за поканата, може да се најде на официјална платформа на Европската Инвестициона Банка https://ted.europa.eu/udl?uri=TED:NOTICE:290799-2020:TEXT:EN:HTML&src=0, во денешното издание на весникот Нова Македонија и на веб страната на ЈП Водовод и канализација – Скопје www.vodovod-skopje.com.mk.
Според планираното, Скопје до 2025 година треба да ја добие пречистителната станица, со што трајно ќе се реши проблемот на отпадни води од кои најмногу страда реката Вардар. Средствата во висина од 136,73 милиони евра, се обезбедени од Европската инвестициска банка и од Европската банка за обнова и развој.
Можеби ќе ве интересира
КОНКУРЕНТСКИТЕ ВИ ГИГАНТИ ГИ ВОДАТ ЛУЃЕ КОИ СЕ РОДНИНИ И ПРИЈАТЕЛИ ОД ДЕТСТВОТО - еве како сѐ почна
СРБИТЕ ОДАТ НА СЕЗОНСКА РАБОТА ВО ХРВАТСКА: Зошто оваа земја е примамлива за нив?
ХРАНАТА ВО СВЕТОТ ПОСКАПУВА: Шеќерот поевтини поради позитивни сигнали од три земји
ВАЛУТИ: Зошто паѓа вредноста на доларот во однос на јенот?
ИЗБЕГАА ОД МОБИЛИЗАЦИЈА: Зошто Русите сега се враќаат дома?
НАЈБОГАТИ ЛУЃЕ ВО СВЕТОТ: Kaде на листата е Илон Маск?
ИНВЕСТИЦИЈА ОД 720 МИЛИОНИ ЕВРА ВО ГОРИВО НА ИДНИНАТА: ЕУ инвестиција, а две европски земји го земаат најголемиот дел од колачот
ПО ПРВИОТ БРАН ОТКАЗИ: Дали Тесла подготвува нов круг отпуштања, уште поголем?
ЕВЕ КОИ АВИОКОМПАНИИ СЕ ПОД ЛУПА: Европската асоцијација за заштита на потрошувачите пријавила 17 фирми до ЕК
