ОЧЕВИДЕЦ ГИ ОПИША НАПАЃАЧИТЕ: Беа најмалку петмина, имаат брада
Објавено во: Свет 22 Март, 2024
Очевидец ги опишува напаѓачите кои извршија напад во Москва.
„Беа најмалку петмина, имаат брада. Се однесуваат како тренирани и обучени милитанти. Наоружани се со со јуришни пушки АКМ. Некои од нив носат разна муниција. Најмалку двајца од напаѓачите носеа ранци, веројатно полни со молотови коктели“, раскажува очевидецот.
Според него, пукањето почнало истовремено и во гледалиштето и во фоајето, каде што во тој миг имало многу народ. Териристите ги запалиле седиштата во холот и пожарот се проширил скоро по цела зграда.
„Пожарникарите евакуирале околу 100 луѓе, а гостите во салата се спасуваат од кровот, со помош на скали за подигнување кои ги користат пожарникарите“, соопшти Министерството за вонредни ситуации.
Полицијата уапси еден од напаѓачите. Има најмалку 40 мртви и над 130 повредени.Досега инволвираност во масакрот негираа и Украина и Легијата на слободата на Русија.
Група руски граѓани кои се борат на страната на Украина, и кои себе си се нарекуваат Легија на слободата на Русија негираат каква било одговорност за нападот во концертната сала во близина на Москва.
На социјалните мрежи се појавија фотографии и се тврди дека лица од Ингушетија го извршиле нападот.