Од 1 јули уште пониски цени за роаминг со Србија, Црна Гора и БиХ
Објавено во: Економија 08 Јуни, 2017
Корисниците на мобилна телефонија од Македонија, Србија, Црна Гора и БиХ од 1 јули годинава ќе добијат можност за уште пониски цени во роаминг кои повторно ќе се намалат според договорот за постепено намалување на максималните цени кои мобилните оператори може да ги постават.
Договорот беше потпишан на иницијатива на националните тела за регулација на телекомуникациите меѓу кои и македонската АЕК.
Денеска информацијата ја потврди и Владица Тинтор директорот на Регулаторната агенција за електронски комуникации на Србија (РАТЕЛ) за време на четвриот CEE CEE SUMMER собир на телекомуникациски оператори.
- Интересно е што порасна и употребата на мобилен интеренет и пренос на податоци во последните две години за 200% што е извонреден резултат. Уште едно намалување на роамингот ќе имаме од 1 јули, а за наредно намалување на цените ќе мора да има нова согласност од четирите земји, рече Тинтор.