Од денеска ќе плаќаме поскапи патарини на автопатот Егнатија
Објавено во: Економија 01 Април, 2024
Од денеска, со стапувањето на сила на одлуката објавена во Службен весник, поскапува патната такса на наплатните пунктови на автопатот Егнатија во северна Грција.
Нови цени во просек се повисоки за 30 до 35 отсто од Игуменица на запад до границата со Турција кај Кипи на исток, објави МИА.
Патарината што е веднаш по границата при влезот во Грција од Македонија поскапува од 1,80 на 2,40 евра, патарината кај Аспровалта од 0,90 се зголемува на 1,20 евра, кај Кавала од 1,40 на 1,85 евра.
Единствено намалување на цените има на патарината кај Солун на пат кон Атина (од 1,20 на од 0,90) и на онаа кон Промахонас на границата со Бугарија (од 2 евра на 1,90). ср/ссм/