Од мал семеен бизнис до интернационална корпорација

Добивај вести на Viber

Домашни, регионални и странски експерти од областа на бизнисот, економијата, претприемништвото, лидерството, иновациите и технологиите учествуваат на 8. самит „Македонија 2025“ кој од 13 до 15 ноември се одржува во Скопје.

Во рамки на самитот денеска беше одржана панел дискусија на тема „Културата во семејните бизниси: сопственци и сите други“ на која учествуваше Алекса Шапоњиќ, член на сопственичкиот одбор на Нелт Група.

Нелт е компанија чии искуства беа навистина значајни во рамки на дискусијата со оглед на фактот дека во моментов има распространети деловни активности во 11 земји и вработува над 4000 луѓе.

-  По 25 години работење компанијата влезе во фаза кога идентификувавме дека ни е потребна трансформација заради интензивниот раст и дигитализацијата. Целта на трансформацијата беше да ги идентификуваме можните проблеми во културата и да работиме на нив со цел да останеме здрава организација – истакна Шапоњиќ. 

На панелот беа отворени прашањата за важноста пораките да стигнат до сите вработени, важноста сите да се инволвирани во визијата и да ги сметаат за свои вредностите на компанијата. Искуството на Нелт покажало дека кога станува збор за организациската култура кај семејните бизниси клучно е самите основачи да бидат двигатели на трансформативните процеси, а притоа да ги согледаат и разберат потребите на секој поединец кој е дел од компанискиот тим.

-  Резултатите од нашите трансформациски заложби – рече Шапоњиќ – се извонредни. Имаме 15 процентен раст на перформансот, за 20% е поголема вклученоста на поединците во широката визија на команијата и среќни сме што воведовме еден лидерски систем кој подразбира поддршка и мотивација. Како тоа го измеривме? Направивме 130 работилници за вработените на кои им овозможивме да си го препознаат своето место во трансформацијата и од нив да добиеме feedback.

 Нелт Група е компанија основана во 1992 година во Србија за до денес да прерасне во интернационален гигант. Нелт Македонија вработува над 250 луѓе во три локациски центри кои секојдневно остваруваат успешна деловна активност како дел од системот Нелт Група.