Од понеделник се отвораат ресторани и кафе-барови во Србија, само четворица на 14м2
Објавено во: Економија 30 Април, 2020
Од понеделник повторно во Србија ќе може да се оди во ресторани и кафулиња, но во променети околности. На угостителите им беа дадени упатства за понатамошна работа што ќе важат и за вработените и за гостите.
Геогри Генов, директор на Бизнис асоцијација на хотели и ресторани во Србија, рече дека угостителите претходно користеле многу мерки. Тој е загрижен, рече тој, дека распоредот на масите ќе влијае на работата.
„На крајот на март, Светската здравствена организација даде упатства на 10 квадрати да седат по четворица гости, плус од една маса до друга да има простор од еден метар, што доаѓа околу 14 квадрати простор за четири лица, што не е спорно само доколку гостите не се познаваат“. Генов додаде дека треба да се земат предвид мерките за лицата кои заедно би дошле во кафуле или ресторан и дека здружението доставило барање тоа да се разгледа во Кризниот штаб.
Генов изјави дека е одговорност на вработените да се заштитат себе си притоа да ги почитуваат процедурите за заштита на своите гости.
„Од самото влегување и пристигнување на работниците на работа потребно е мерење на температурата, како и сите други активности, што не е ниту тешко“, рече Генов.
Генов додаде дека ќе се препорачува да се плаќа со кредитни картички, но и дека до сега скоро 80, 90 проценти од услугите биле исплатени на тој начин.
„Бидејќи келнерите ќе носат ракавици, секако не е проблем за плаќањето во готово“, истакна Генов.