Официјално започнување на заеднички контроли на ГП Табановце - Прешево
Објавено во: Мои пари 29 Јули, 2019
Република Северна Македонија и Република Србија на 12.07.2019 потпишаа Договор за воспоставување на заеднички контроли на граничниот премин Табановце – Прешево. Со ова, двете земји се први од Западен Балкан кои ќе започнат со заедничка гранична контрола. Официјалниот старт на заедничките контроли ќе биде на крај на август 2019 година, по усогласување на обврските на премиерите на двете држави.
Концептот на заеднички гранични контроли со едно застанување “one stop shop”, значи поедноставени постапки што се спроведуваат на еден заеднички граничен премин, со единствено застанување, преку кој контролата на патниците, стоката и нивните превозни средства се врши само на едно место. Зедничкото царинење ќе овозможи повисок степен на хармонизација на граничните контроли и унапредена примена на концептот на интегрирано гранично управување, ќе се намали можноста за царински измами, поради непосредниот увид во документите што ја следат стоката, ќе се воведе контрола и вршење на граничните формалности од страна на сите надлежни органи за нивно спроведување, ќе се забрза протокот на патници и стока и ќе се заштедат ресурси потребни за реализација на концептот.
За патниците и транспортерите кои се движат од Србија кон Северна Македонија, граничната служба на Србија ќе спроведе излезна контрола на тертиторијата на нашата држава на граничниот премин Табановце, додека контролата за оние кои патуваат во обратен правец, излезната контрола македонските гранични служби ќе ја спроведат на територијата на Србија на граничниот премин Прешево.
Во изминатиов период Царинската управа со финансиска помош на Европската Унија и на Владата на Република Македонија изврши реконструкција и модернизација на инфраструктурата на граничниот премин на Табановце со што се остварени сите предуслови за започнување на заедничките контроли. Со воспоставување на новиот начин на работа и заедничката гранична контрола на службите на двете земји, коридорот 10 ќе биде поатрактивен и поефикасен за извоз, увоз и транзит на стоки.
Граничниот премин Табановце е само почеток за крупните промени кои нѐ очекуваат на ова поле на повеќе гранични премини, во тек се и проекти со останатите нашите соседи Албанија и Косово, што ќе донесат огромни бенефити за економските оператори.
Можеби ќе ве интересира
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
