Општа гозба за сите кавадарчани на Божиќ
Објавено во: Македонија 30 Декември, 2022
Градоначалникот на Кавадарци, Митко Јанчев, втора година по ред најавува бесплатен ручек за сите кавадарчани на градскиот плоштад.
„Со задоволство ви најавуваме дека втора година по ред, во пресрет на Божиќните празници, Општина Кавадарци во соработка со неколку општествено одговорни компании ќе организира ручек на градскиот плоштад на 6 јануари од 9 до 14 часот, со кој сакаме на сите граѓани да им понудиме дружење и славење токму на овој голем христијански празник, кој веруваме ќе стане традиционален“, гласи повикот на Јанчев.
На минатогодишниот божиќен ручек на градскиот плоштад во Кавадарци беа подготвени 3000 порции за кавадарчани кои беа пријатно изненадени од оваа чест од градот кон нив.
„Идејата е на еден од најдобрите готвачи шеф Горан Филипов од ресторан Моклиште, кој заедно со уште неколкумина познати професионални готвачи од Македонија ќе се потрудат да ја реализираат и барем на момент да им го доловат празничниот дух на многу наши сограѓани“, дополни Јанчев.