Ордановски за бугарска Нова Тв: Настаните во Македонија - професионално направена операција
Објавено во: Македонија 30 Април, 2017
Немирите во Македонија се професионално изградена операција, вели Сашо Ордановски, македонски политиколог и новинар за бугарската Нова Тв.
Според него инвазијата во парламентот во четвртокот е резултат на пумпање на напон што ескалира и доведе до крвава пресметка.
Ордановски смета дека, и покрај тоа што се случило, нема предуслови за појава на граѓанска војна.
„И поддржувачите на ВМРО ДПМНЕ, како и големото мнозинство од граѓаните се згрозени од она што се случило. Во Македонија нема поддршка за такви работи. Идејата на оние кои влегоа во Парламентот, беше да излезат граѓаните од другата страна, но тоа не се случи. За последните 27 години Македонија, како и Бугарија, сме поминале низ секакви ситуации, сè сме виделе. Видовме и многу потешки кризи. Граѓаните не сакаат такви работи“ - рече Ордановски.
ВМРО - ДПМНЕ треба да смири страстите и да ги контролира своите луѓе, своите насилници. Ова покажува уште еднаш дека такви сценарио не можат да поминат, истакна новинарот.Битката за тоа дали на власт ќе биде Груевски или Заев е многу повеќе геополитичка битка отколку внатрешнополитичка, според новинарот Георги Коритаров.