Откриена причината за пожарите во Калифорнија кои уште беснеат
Објавено во: Свет 05 Август, 2018
Причина за шумските пожари што опустошија огромните области на Калифорнија во текот на изминатите две недели е камионска гума што пукнала при возење, јавува Си-Ен-Ен.
Според тврдењата на телевизијата, на 23 јули, на пат во близина на градот Рединг, пукнала гума на приколка за камион, нешто вообичаено во копнениот сообраќај и искрите предизвикале оган.
Пожарот што американските медиуми го нарекоа „Кар“, досега зеде осум животи, загинаа шест цивили и двајца пожарникари, уништени се 134.000 хектари (околу 542 квадратни километри), а пожарот се уште беснее.
Според прогнозите, последиците од пожарот „Кар“ ќе ја чинат државата милијарди долари во следната деценија.