ОТРУЕНАТА ЈУЛИЈА СКРИПАЛ: Еден ден се надевам дека ќе се вратам дома!
Објавено во: Свет 24 Мај, 2018
По нападот на Сергеј Скрипал и неговата ќерка Јулија, со нервен агенс Новичок, се огласи Јулија зборувајќи за ситуацијата, нејзината тежина и силната желба за дома.
Таа сепак се надева дека еден ден ќе се врати дома – во Русија.
За нападот Велика Британија ја обвини Москва, која ги отфрли обвинувањата.
– Додека се обидувам да се справам со разочарувачките промени со кои се соочувам и физички и емоционално, живеам ден за ден, сакам да помогнам во негата на мојот татко, додека тој целосно не заздрави. Долгорочно – се надевам дека ќе се вратам во мојата земја, изјави Јулија Скрипал.
Јулија и нејзиниот татко Сергеј беа пронајдени во несвест на 4 март на клупа во градот Салзбери во Велика Британија, по што беа хоспитализирани. Тие беа затруени со нервен агенс.
Таа беше во кома 20 дена, а од болницата беше пуштена пред пет недели.
– Се разбудив со веста дека и двајцата сме отруени. Фактот дека за ова бил користен нервен агенс, е шокантен. Мојот живот се преврте наопаку, рече Јулија во првото обраќање до медиумите по труењето.