ОТВОРЕНИ ВРАТИ ЗА БИЗНИС: Овие држави стимулираат најмногу жени претприемачи
Објавено во: Финансии 08 Март, 2017
Женското претприемништво често се гради врз основа на потребата и храброст, но создавање на силни стимулативни услови како пристап до финансиски услуги и слобода при управување со бизнисот ги твараат вратите кон прогресот на компаниите во сопственост на жени. Ова го покажува првата студија на новосоздадениот Индекс на жените претприемачи на Mastercard.
Овие стимулативни услови се клуч за надминување на двете главни пречки кои попречуваат и обесхрабруваат голем дел од жените да станат претприемачи - културните предрасуди и помалиот број можности за личен развој.
Истражувањето покажува дека развиените пазари ги заземаат првите места во ранг листата на индексот, предводени од Нов Зеланд (74.4%), Канада (72.4%) и САД (69.9%). Во овие земји постојат најдобри услови кои го поддржуваат бизнисот, предводен од жени. Меѓу овие услови се присуството на работа на малите и средни големи деловни заедници, висококвалитетно ниво на управување и слобода при управувањето со бизнисот.
Индекс на Mastercard за жени претприемачи - Топ 10 пазари со најголеми стимулирачки услови и можности за развој на жените како претприемачи:
1. Нов Зеланд - 74.4
2. Канада - 72.4
3. САД - 69.9
4. Шведска - 69.6
5. Сингапур - 69.5
6. Белгија - 69.0
7. Австралија - 68.5
8. Филипини - 68.4
9. Британија - 67.9
10. Тајланд - 67.5
Од друга страна, кај економиите со ниски примања како Уганда (34.8%), Бангладеш (31.6%) и Виетнам (31.4%) се забележува највисок процент на жени претприемачи, кои се водени пред се од потреба отколку што се инспирирани од можностите за развој на бизнис.
Жени, сопственици на компании, како % од сите сопственици на бизниси - Топ 10 пазари
1. Уганда - 34.8%
2. Боцвана - 34,6%
3. Нов Зеланд - 33.3%
4. Русија - 32.6%
5. Австрија - 32.4%
6. Бангладеш - 31.6%
7. Виетнам - 31.4%
8. Кина - 30.9%
9. Шпанија - 30.8%
10. САД - 30.7%
„Преовладувачкото присуство на амбициозни, способни жени треба да се гледа како водечка бизнис можност.
Бидејќи општеството обрнува поглед кон постоечките културни предрасуди, ние ќе оддадеме придонес за создавање на услови кои треба да ги зајакнат темелите за личен и економски раст“, посочила Вања Манова, Менаџер за Бугарија и Македонија, од Mastercard.
„Како се зголемува пристапот до критични мрежи, истражувањето ни покажува дека жените се многу способни да го откријат својот целосен потенцијал, да ги постигнат своите цели и да постигнат сеопфатен раст. Имаме одлична можност да ги насочиме напорите кон културните и организациските проблеми и да ги охрабриме уште повеќе жените лидери“, изјавила Анн Кернс, Претседател Меѓународни пазари, Mastercard.
Индексот покажува дека земјите со повеќе стимулирачки услови развиваат поголем број претприемачи, предводени од можностите (т.е. предводени од желбата за напредок), додека кај земјите со помалку стимулирачки услови постои тенденција за развој на претприемачи, предводени од потребата (т.е. предводени од потребата за опстанок).