Ова е најевтиниот туристички град во Европа
Објавено во: Балкан 30 Јануари, 2017
Главниот град на Бугарија е прогласен за најдостапна туристичка дестинација во Европа од PriceofTravel.
Тие седма година по ред го прават рангирањето на 56 евтини популарни туристички градови во Европа. Од порталот ги следат цените на вкупно 200 градови низ целиот свет.
„Софија е град со многу пријатен центар, кој е доста гостопримлив кон странските туристи. Цените на речиси сè се многу ниски, со исклучок на дојдовни летови од другите големи градови. Поради оваа причина Софија останува непозната, освен за оние кои прават обемна турнеја на регионот. Не очекувајте долга листа со атракции, но ќе се изненадите од убавиот град со шокантно разумни цени " - ја опишуваат бугарската престолнина од туристичкиот портал PriceofTravel.
Малку поскапи од Софија за посета се Краков, а потоа следат Букурешт, Белград, Будимпешта и Сараево. Оваа година Киев е на седмото место во пристапност.