Оваа ќе биде година на рестарт и економско заздравување, вели Заев
Објавено во: Економија 08 Јануари, 2021
Имаме раст од 2,3 отсто во Буџетот, а новата 2021 ќе биде година на рестарт и економско заздравување.
Премиерот Зоран Заев на Фејсбук профил пишува дека со директните даноци имаме остварување од 99,5 отсто од планираното и од тука се бележи растот од 2,3 отсто, споредено со 2019 година.
„Имаме значително подобрување на приходната страна на Буџетот во декември, каде наплатата даноците и придонесите изнесува 18 милијарди денари, што е за 4,3 % повеќе во однос на декември минатата година. Сето ова е убав податок за завршеток на една ваква тешка година каква што беше 2020-та, како основ за да ја почнеме надежната, нова 2021 година како година на рестарт и економско заздравување“, напиша Заев.
Повеќето земји се борат да илезат од кризата која ја наметна пандемијата на коронавирусот.
фото Фејсбук