Падна одлука: „Жолти елеци“ одат на избори
Објавено во: Свет 24 Јануари, 2019
Граѓанското движење, „Жолти елеци“ кое стана популарно со деструктивните протести во Франција, соопшти дека ќе се кандидира за претстојните избори за Европскиот парламент и дека до средината на февруари ќе објави конечна листа предводена од Ингрид Левавасо, една од повлијателните фигури во групата која е организирана хоризонтално..
Листата на 79 кандидати ќе биде објавена во средината на февруари за европските избори закажани за 26 мај, се вели во соопштението а веќе се одбрани десет имиња на граѓани од 29 до 53 години со различни професии.
Движењето "Жолти елеци" спонтано се појави на социјалните мрежи со првите митинзи низ Франција од 17-ти ноември против високите даночни зафати и покрај најавените отстапките кои тогаш ги најави владата на Емануел Макрон.