18 Февруари, 2018
0.4038
    ALK 7998.4    -0.03%     GRNT 820    0.49%     KMB 3323.14    -0.67%     MKSD 239    19.5%     MPT 29500    0%     MTUR 4199    -0.02%     OHB 5050    0%     OKTA 3700    2.78%     RMDEN16 94.8    0%     RZLV 53    -1.05%     RZUS 134    -0.56%     SBT 2101    -1.82%     STB 940.57    0.06%     STIL 144.97    -0.02%     TEL 300    1.35%     TETE 2170    2.79%     TPLF 1627.92    4.65%

Панчевски во „Игра на тронови“: Јанева го разобличува, Вангеловски го спасува

Објавено во: Македонија 13 Октомври, 2017

Специјалното јавно обвинителство од една страна, Врховниот суд и Судскиот совет на другата страна. Во случајот со судијата Владимир Панчевски директно се инволвираа првите луѓе на овие институции. Обвинителката Катица Јанева отвори предистражна постапка за Панчевски, судијата Вангеловски и претседателот на Судскиот совет, Зоран Караџовски, се обидуваат да го заштитат.

Минатата недела Катица Јанева отвори истрага за судијата Владимир Панчевски поради сомнеж дека местел судски предмети и оддавал службени тајни. Со судски налог истражителите на СЈО извршија претрес во кабинетот на Панчевски и во неговиот дом, како и во домовите на двајцата информатичари од Кривичниот суд.

Панчевски е осомничен за оддавање службена тајна, односно за копирање, изнесување и уништување на докази од туѓи судски предмети надвор од судот, во корист на некои осомничени. По претресот, СЈО одзеде компјутери и други докази од објектите на Панчевски и сега тие се анализираат во МВР.

„По судска наредба, СЈО изврши личен претрес кај лицето Владимир Панчевски и со друга наредба од судот ги одзема сите податоци од компјутерскиот систем за распоредување на предмети во Основниот суд Скопје 1“, рече Јанева.

Во врска со кривичното дело Оддавање службена тајна, за кое што се сомничи Панчевски, таа рече: „Се издавале службени податоци за други лица во јавноста поврзани со наши истраги“.

Какви докази пронашла Јанева засега не е познато. Но, во спасувачка мисија за „главата“ на судијата Владимир Панчевски се вклучија првите луѓе на Врховниот суд и на Судскиот совет.

Контра истрага на Вангеловски и Караџовски

Јово Вангеловски и Зоран Караџовски вчера беа во контрола на Основниот суд Гевгелија, каде работи судијката која ги потпиша налозите за претрес во канцеларијата и во домот на Владимир Панчевски.

Налогот за претрес го потпишала претседателката на Судот во Гевгелија, Злата Попова. Вангеловски и Караџовски не откриваат која била целта на нивната посета на судот, во родниот град на обвинителката Јанева.

Караџовски претходно тврдеше дека немало злоупотреби на АКМИС системот, а тоа, според него, го потврдиле сите досегашни редовни и вонредни контроли на компјутерскиот систем за распоредување на судските предмети.

АКМИС системот крие судско – политички игри

Сомневањата за АКМИС системот се од поодамна. Но, по аболицијата која ја направи претседателот Ѓорѓе Иванов на осомничени лица од ВМРО-ДПМНЕ од страна на СЈО, мистериозната смрт на сведокот, Коста Крпач, доделувањето на предметите на СЈО кај одредени судии, веќе се отворија сомневања дека можни се „местенки“ при распределбата на предмети.

Има сомневања дека оддавањето службена тајна се однесува на електронско преснимување, т.е. изнесување докази од предмети што ги води СЈО во Основниот суд Скопје 1 и давање на осомничени и на обвинети надвор од судот.

Во исто време, работната група од Министерството за правда заврши со контролата на системот за автоматка распределба на судските предмети во Основниот суд Скопје 1, по забелешките на експертот Рајнхард Прибе, кој се сомнева во злоупотреби со АКМИС-от.

Работната група го исконтролирала АКМИС системот во Кривичниот суд од неговото инсталирање во 2010 година. Првичните информации се дека се најдени злоупотреби, кои ќе му бидат предадени на Јавното обвинителство, а извештајот на работната група јавно ќе биде објавен од понеделник.

Ј.М.

Можеби ќе ве интересира

Според Ахмети наскоро ќе се дознаат резултатите за спорот со името

Според Ахмети наскоро ќе се дознаат резултатите за спорот со името

(ГАЛЕРИЈА) СТРУМИЦА СТАНУВА БАЛКАНСКО РИО: Заев на карневалот без маска

(ГАЛЕРИЈА) СТРУМИЦА СТАНУВА БАЛКАНСКО РИО: Заев на карневалот без маска

Времето во Македонија претежно облачно, со локални повремени врнежи

Времето во Македонија претежно облачно, со локални повремени врнежи

ФАКТОР МАГАЗИН: ДАЛИ БУГАРИЈА ПОСАКУВА СКОПЈЕ И АТИНА ДА СЕ ДОГОВОРАТ ЗА ИМЕТО ВАРДАРСКА МАКЕДОНИЈА ?

ФАКТОР МАГАЗИН: ДАЛИ БУГАРИЈА ПОСАКУВА СКОПЈЕ И АТИНА ДА СЕ ДОГОВОРАТ ЗА ИМЕТО ВАРДАРСКА МАКЕДОНИЈА ?

Прекин во сообраќајот на патот Струга-Ќафасан поради сообраќајка

Прекин во сообраќајот на патот Струга-Ќафасан поради сообраќајка

Пукање со пиштол во скопската населба Бутел

Пукање со пиштол во скопската населба Бутел

Продолжува збркотницата на бендот „Бернајс Пропаганда “ и институциите

Продолжува збркотницата на бендот „Бернајс Пропаганда “ и институциите

Струмичкиот карневал- вековна струмичка традиција

Струмичкиот карневал- вековна струмичка традиција

РЕШЕН СПОР ПА ТОГАШ ВО ЕУ: Јункер праќа децидни пораки за земјите од Западен Балкан

РЕШЕН СПОР ПА ТОГАШ ВО ЕУ: Јункер праќа децидни пораки за земјите од Западен Балкан