Павле Трајанов предлага преку три собраниски седници да се излезе од кризата
Објавено во: Македонија 31 Март, 2017
Демократскиот сојуз предлага да се одржат три седници на Собранието на Република Македонија, при што на првата треба да се избере претседател на Собранието, на втората да се изгласа недоверба на сегашната влада, а на третата мандатарот да достави предлог за избор на нова влада.
„На овој начин согласно Уставот на Република Македонија и Деловникот за работа на Собранието на Република Македонија, ќе се деблокираат институциите и ќе започне процес на стабилизација на државата и нормализирање на животот на граѓаните“- велат од Демократскиот сојуз.
Изборот на Влада ќе мора да заврши најмногу за 17 дена од денот на доставување на предлогот, додаваат од партијата на Павле Трајанов.Кризата се продлабочува, неизвесноста се зголемува, Македонија е се поизолирана, економијата е во колапс, институциите се разнебитени, северниот сосед води изборна кампања посочувајќи нè како нестабилна држава и лош пример, ЕУ повикува на одговорно и државничко однесување и бара трансфер на власта итн, но сето тоа не е битно за владејачката партија на заминување, се вели во соопштението на ДС.