Павлопулос: Македонија беше, е и ќе остане грчка, нема шанси да толерираме
Објавено во: Балкан 27 Октомври, 2017
Грчкиот претседател, Прокопис Павлопулос во Офицерскиот клуб во Солун ја обвини Македонија за фалсификување на историјата, за користење име кое наводно не и припаѓа и за изразување иредентистички тензии.
Toј рече дека Македонија била, е и ќе остане грчка.
„И велиме на БЈРМ, подаваме рака на пријателство, но нема шанси да толерираме, тоа е јасно, и ние јасно го имаме ставено до знаење. Не е само фалсификувањето на историјата, затоа што Македонија беше, е и ќе остане грчка. Тоа го знаеме сите. Не само што не прифаќаме фалсификување на историјата, не прифаќаме иредентистички тензии кои повторно би го направиле Балканот, буре барут во Европа“ – вели Павлопулос.
Грчкиот претседател кажа дека Грција ја поддржува европската перспектива на сите земји од Балканот, но конкретно, за Македонија, порача дека мора да го почитува европското право.
„Односно во суштина, го оспорува статусот кво на границите на Балканот, во главно границите со Грција. Запомнете дека европското право, исклучува секаков вид на оспорување на границите и смета дека државата која дури и на индиректен начин преку изразување иредентизам ги оспорува границите, го прекршува европското законодавство, а со тоа самата си ја поткопува европската перспектива“- рече Павлопулос.
Павлопулос, досега на неколку пати даде изјави во исти стил во однос на Македонија.