Павлопулос: Македонија да ја почитува грчката историја ако сака да стане дел од ЕУ

Добивај вести на Viber

Македонија да ја почитува грчката историја ако сака да стане дел од Европската Унија, побара грчкиот претседател, Прокопис Павлопулос. 

Во говор на 11-та Балканска конференција на началници на Генералштабови од државите од Балканот, Павлопулос изјави дека Грција ја поддржува европската перспектива на државите од Балканот. Тој смета дека нивното место е во ЕУ, но за да станат дел од Унијата, тие мора да почитуваат одредени услови.

„Грција ја посакува европската перспектива на балканските држави. Но, за да се заврши оваа европска перспектива со интеграција во Европската Унија, има одредени услови, кои не ги поставува еднострано Грција, туку ЕУ и европското право. Услов е почитување на историјата и на историската вистина. Оваа почит е услов за мирен соживот. Услов е и искреното почитување на меѓународното право во целост и на основните принципи на европското право“ – изјави Павлопулос.

Тој вели дека е потребна соработка на сите присутни држави за да се обезбеди мирот и стабилноста на регионот и тој да се заштити од различни предизвици и закани. Грција смета Павлопулос дека пружа пријателска рака и добрососедство кон сите балкански држави.

Ова не е прв пат грчкиот претседател да упати вакви пораки кон Македонија. 

Тој лани изјави дека Македонија е грчка и дека инсистирање за името е иредентизам.