ПЕКОЛЕН БРАН ВО ЕВРОПА: Жештината предизвика пожари во Шпанија и Франција
Објавено во: Свет 30 Јуни, 2019
Иако Шпанските власти го локализираа шумскиот пожар во Каталонија,властите предупредуваат дека најавите за ветер и високи температури до 40 степени целзиусови би можеле повторно да ги разгорат шумите.
Пожарот во Каталонија е најголемиот кој избил во овој регион во последните 20 години. Околу 500пожарникари се бореле со огнот, а од нив 21 побарале медицинска помош.
Во земјите од Европа во кои има прогласено црвен аларм, е зголемена и потрошувачката на електрична енергија од клима уредите.
Во Франција пак, околу 700 пожарникари се борат со пожарите во јужниот дел
на Франција, особено во регионот Гард, каде се измерени дури 45,9 Целзиусови
степени и каде изгореја околу 600 хектари земјиште, а уништени се десетици куќи
и возила, соопштија локалните власти.
Во гаснењето на пожарите се вклучени и 10 авиони.