Пензија на 1-ви, нов пакет за пензионери на Шпаркасе Банка
Објавено во: Мои пари 25 Октомври, 2016
Шпаркасе Банка на пазарот го претстави својот најнов пакет услуги наменет за сите пензионери, корисници на услугите на Банката. Имено, станува збор за пакет со кој пензионерите ќе добијат низа предности и поволности, меѓу кои главна предност е подигнувањето пензија редовно на првиот ден од месецот, со што ќе можат практично и навремено да управуваат со своите средства. Доколку првиот ден од месецот е неработен ден, пензијата ќе биде исплатена претходниот работен ден.
Пакетот за пензионери на Шпаркасе Банка нуди низа предности, креирани специјално за потребите на оваа група граѓани. Покрај редовната исплата на пензијата секој 1-ви од месецот, пензионерите добиваат и можност за подигнување потрошувачки кредит со фиксна каматна стапка од 7% во првата година, максимален износ до 300.000 МКД и вклучена Полиса за животно осигурување, како и бесплатен траен налог за подмирување на обврските кон Банката од земениот кредит. Корисниците на пензионерскиот пакет добиваат трансакциска сметка и дебитна картичка на Шпаркасе Банка, со дозволено пречекорување со промотивна каматна стапка од 6% во првите 12 месеци, а ја добиваат и услугата Електронско банкарство без надомест за користење. Покрај тоа, пензионерите корисници на овој пакет ги добиваат и следните предности - во случај на осигуран настан, осигурителното друштво ги презема обврските на кредитокорисникот, како и едноставен начин на плаќање на премијата за животното осигурување. Дополнително, во случај на предвремено затворање на кредитот, осигурителната полиса се предава на клиентот.
Пакетот за пензионери на Шпаркасе Банка им е достапен на сите пензионери што ќе аплицираат за оваа услуга. Апликацијата е лесна и едноставна, а предностите на пакетот се многубројни. За оваа, како и за другите услуги на Шпаркасе Банка, клиентите може да се обратат во најблиската експозитура на Шпаркасе Банка Македонија.
Можеби ќе ве интересира
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
