Пилотите со месеци пред несреќата во Етиопија се жалеле од авионите Боинг 737 МАХ 8

Добивај вести на Viber

Неколку месеци пред минатонеделната авионска несреќа во Етиопија во која загинаа 157 луѓе, пилотите им се жалеле на американските федерални власти на авионот Боинг 737 МАХ, пренесе Бизнис инсајдер.

Имено, жалбите ги поднеле пилотите кои со тој авион летале во ноември и декември 2018та година.

Според пишувањата на повеќе светски медиуми, сите жалби се примени во федералната база на податоци.

„ОВОЈ АВИОН БАРА МНОГУ РАБОТА“

Жалбите се однесуваат на проблеми со авионите МАХ 8, кои при полетувањето користат автопилот. Имено, пилотите во низа жалби наведуваат дека дотичниот авион непосредно по полетувањето знаел носот да го сврти кон земјата.

Фактот дека овој авион бара толку работа што во состојба на летање е дефинитивно предупредување-наведува еден од пилотите во жалбата.

Исто така, пилотот додава дека е несовесно федералните власти, заедно со авионските компании, да продолжат да им дозволуваат на пилотите да летаат со авиони, а притоа не објаснат како тие МАХ 8 се разликуваат од останатите авиони.

ФАА (Американската федерална агенција за авијација) во соопштението наведува дека во текот на прегледот на авионот не е утврдена причина поради која треба да приземјени авионите на Боинг 737 МАХ 8.

Фото: Ројтерс