Платежни сметки со основни функции за сите граѓани: Законски новини

Добивај вести на Viber

Влез на нови даватели на платежни услуги, пред сè од ФинТек секторот ќе се овозможи со новиот Закон за платежни услуги и платни системи, кој од денеска е поставен за јавна консултација на Единствениот национален регистар за прописи – ЕНЕР, соопшти Министерството за финансии. Со него ќе се придонесе кон либерализација на пазарот на платежни услуги, а ќе се поттикне дигитална трансформација на постојните учесници на пазарот.

Законот, на чија поготовка работеа тимот на Министерството за финансии заедно со тимот на Народната банка, во консултации со банкарскиот сектор и другите засегнати страни, ќе обезбеди и повисоко ниво на заштита на правата на корисниците на платежни услуги.

Во рамки на овој закон, чија примена се очекува од почетокот на следната година, се предвидува и воведување платежна сметка со основни функции, која ќе може да ја отвори секој граѓанин. Отворањето на сметката како и неколку основни платежни услуги, за ранливите категории ќе биде бесплатно, со што ќе се подигне степенот на финансиската инклузија за која се залагаме.

Новиот Закон за платежни услуги и платни системи ќе придонесе кон одржување на ефикасен, сигурен и стабилен национален платен систем, подготвен за негова понатамошна платежна интеграција со платежната инфраструктура на ЕУ и пошироко.

Законот треба да се применува од другата година