По долги години бегство лидерот на ЕТА во рацете на полицијата
Објавено во: Свет 16 Мај, 2019
Лидерот на ЕТА е уапсен по 16 години во бегство.
Поранешниот лидер на баскиската терористичка група ЕТА, Хосу Тернера, е уапсен во Франција, по 16 години во бегство. Информацијата ја соопшти шпанската влада.
Шпанските власти го бараат уште од ноември 2002 година, откако не се појавил на суд за нападот врз полициската станица во Сарагоса, во 1987 година, во кој загинаа 11 луѓе, од кои шест беа деца.
Шпанското Министерство за внатрешни работи соопшти дека Тернера е притворен во раните утрински часови во Саланчес на француските Алпи.
„Терористот живеел во близина на Сен-Жерве-ле-Бен, област позната меѓу љубителите на зимските спортови. Градот се наоѓа во близина на границите помеѓу Франција, Швајцарија и Италија“ – соопшти од министерството.
ЕТА ја почна својата кампања во 1968 година и во Европска Унија важи за терористичка организација. Налог за апсење на Тернера беше распишан во 2002 година и оттогаш беше на листата на најбарани бегалци на Интерпол. Во 2017 година беше соопштено дека ЕТА планира целосно да се разоружа.