По синоќешните нереди во Белград заради полицискиот час: Брзата помош интервенирала повеќе од 20 пати
Објавено во: Балкан 08 Јули, 2020
Тринаесет полицајци и седум цивили се повредени за време на протестите и немирите пред српскиот парламент, а сите се транспортирани во Воената медицинска академија, изјавија од Брзата помош за РТС.
Утрово на Танјуг му било речено дека екипите на брзата помош интервенирале повеќе од 20 пати во текот на ноќта, во делот околу Националното собрание, каде се одржуваа протестите заради најавениот полициски час во Белград од петок до понеделник.
И, она што останува по хаосот на улиците во Белград, запалени контејнери, смет, скршени сообраќајни знаци, уништени жардиниери, камења, запалени полициски автомобили, неколку скршени прозорци.
Полицијата успеа да ги растури демонстрантите малку пред два часот наутро, прво пред српскиот парламент, а потоа и групите што беа на плоштадот Никола Пашиќ во паркот Пионирски и во булеварот Краљ Александар.
Вратите на Домот на националното собрание сè уште ги обезбедуваат голем број припадници на полицијата. Полицијата формираше кордони на улиците што водат кон Собранието за да го спречи евентуалното враќање на демонстрантите.
Премиерот Ана Брнабиќ изјави дека остро го осудува вандализмот над полициските службеници во српскиот парламент во време кога државата и здравствениот систем се соочуваат со најтешкиот удар на вирусот „Ковид 19“ од почетокот на пандемијата.
„Бидејќи не можеа да влезат во Собранието на изборите, тие повторно го покажаа своето вистинско насилно лице, обидувајќи се да добијат политички поени во најголемата криза на планетата од Втората светска војна“, изјави Брнабиќ во писмената изјава минатата вечер.
Таа посочи дека бројот на ново заразени лица во светот расте секој ден, поради што е важно сите да бидат обединети и да им ја пружат потребната поддршка на здравствените работници кои, како што вели, се посветени на борбите за секој живот во Србија.
„Државата и сите нејзини институции ќе го штитат правниот поредок, како што е ред во секоја демократски организирана земја“, рече Брнабиќ.
Можеби ќе ве интересира
ГИ ВИДЕЛА СНИМКИТЕ НА ЉУБОВНИЦАТА (18), ПА СО ДЕЦАТА СКОКНАЛА ВО РЕКАТА - се огласи таткото на Алма „Таа кажа само една работа“
„ДА НЕ ЗБОРУВА ДЕКА Е ТОЈ МРТОВ ЧОВЕК, БИДЕЈЌИ СИТЕ ТИЕ СЕ ПРИЛИЧНО ЖИВИ“ - адвокатот на семејствата огорчен од таткото на Коста
ХРВАТСКА: Убиена е жена, уапсен е член на семејството
ТРАГЕДИЈА ВО АЛБАНИЈА: Поради семејно насилство мајка со трите деца се фрлила вo река
ДИЈАНА ЃОКОВИЌ, МАЈКАТА НА НОВАК ЈА ПРОМЕНИЛА ВЕРАTA: Родителите не ме учеа да верувам во Бога
СЕ АКТИВИРАШЕ И АНГЕЛОВ, ОТКАКО СРБИТЕ ПРЕДУПРЕДИЈА ДЕКА НЕКОЈ ИМ КРШИ ШОФЕРШАЈБНИ ВО МАКЕДОНИЈА: „Пратете попорецизна локација“
НИКАНА.ГР: ПРЕДУПРЕДУВАЊЕ ЗА СИТЕ ШТО ПАТУВААТ ОД ГРЦИЈА: „Некој врзал камен за мост во Македонија, возачите ги кршат шофершајбните“
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
ЛОНДОН, АМСТЕРДАМ И ДУБАИ СЕ „МЕКА“ ЗА ГОСТИ БАЈТЕРТЕ! Во потрага по леб, овие четири земји се најпривлечни за нашите соседи од Србија
