ПОЧЕТОК НА КРАЈОТ: Тежок пораз за Ангела Меркел
Објавено во: Свет 26 Септември, 2018
Германската канцеларка, Ангела Меркел, доживеа пораз на гласањето за лидер на Христијанско демократската и на Христијанско социјалната унија (ЦДУ/ЦСУ).
Со предвидувања за скорешен пад на Меркел денеска излегоа и повеќето германски медиуми.
„Може ли Меркел да остане канцеларка?“, пишува весникот Билд.
„Меркел не може понатаму како ништо да не се случило“, коментира Зудојче Зајтунг.
Пратениците за нов шеф на нивната пратеничка група го избраа досегашниот потпретседател, Ралф Бринкхаус, наместо фаворитот на Меркел, Фолкер Каудер.
Поразот на Каудер дел од аналитичарите и опозицијата го оценуваат како почеток на крајот на ерата на Меркел и симбол на незадоволство на партијата од досегашната работа на новата коалициска влада под водство на Ангела Меркел.
Во обид ХДЗ да ги минимизира промените, наследникот на Каудер на парламентарната функција Ралф Бринкхаус изјави дека тоа „не е голема драма“.