Полицајци го повикале дилерот да си го „подигне“ крекот во изгубено-најдено
Објавено во: Свет 26 Мај, 2017
Полицајци од Пенсилванија станаа вистински хит откако на Фејсбук страницата на нивниот оддел објавиле оглас на изгубено-најдено и тоа за крек кокаин со мала вредност. Тие го повикале „сопственикот“ да си го врати изгубениот „предмет“.
Сега сигурно некој ќе помисли дека полицајците се многу дарежливи па сакаат на дилерот да му ја вратат „робата“, но тие сметаат ако трикот им успее ќе ја сменат целосно полициската работа во која криминалците сами се пријавуваат во станица.
Со оглед на тоа што во САД има навистина глупави криминалци ништо чудно дилерот навистина да се јави на огласот и да си го побара крек кокаинот назад, коментираат иронично дел од корисниците на социјалните мрежи. Други пак, велат ако крекот бил нивни добро ќе размислеле за навистина да се јават на огласот и да си ја вратат дрогата.