Полицијата го повикала на разговор вевчанецот кој навредуваше деца со аутизам и нивниот татко
Објавено во: Македонија 27 Август, 2023
Кривична пријава ќе добие вевчанецот кој на Фејсбук навредуваше деца со аутизам и нивниот татко.
Полицијата соопшти дека денеска во ОВР Струга е извршен службен разговор со Р.С.(36) од Вевчани по поднесена пријава од Детска амбасада „Меѓаши“ и З.М. од Штип дека преку социјалната мрежа Фејсбук упатил коментари со кои сторил кривично дело по чл.394 од Кривичниот законик.
Р.С. го признал делото, обезбедени се потребните докази и по целосно документирање на случајот, ќе биде поднесена кривична пријава до ОЈО Струга за ширење на расистички и ксенофобичен материјал преку компјутерски систем.