Добивај вести на Viber
Речиси половина од алкохолот во Бугарија се произведува во сивиот сектор и се продава по пазари, пабови и по патишта. Не се знае каде одат над 150 000 тони грозје, објави во Пловдив претседателот на лозарско-винарската комора Пламен Молов.
Сивиот сектор продолжува да завзема половина од пазарот на вино во Бугарија. 50% од бугарското вино е со неплатени даноци и сомнителна содржина.
Овој факт влијае на совесните производители и е проблем број еден во индустријата.
"Ние и понатаму тврдиме дека голем дел од грозјето во Бугарија се произведува за домашно, а всушност виното од него се продава во малите пабови по селата, во ол инклузив системите - нешто што не е регулирано", изјави Пламен Молов, прв човек на лозарско винарската комора,
Домашните производители на вино велат дека немаат поддршка од државата во рекламирање на бугарското вино. Сепак прогнозираат за четири пати пораст на извозот на бугарското вино во Кина оваа година.
"Нови и интересни пазари за бугарските производители на вино се азиските пазари, бидејќи интересот за нив е голем, тие се брзо растечки и секоја година помеѓу 20 и 30% се зголемува потрошувачката на вино на пример во Кина", вели Красимир Патишанов, производител на вино од Брестовица.
Изградбата на карго терминал на аеродромот во Пловдив ќе го олесни извозот на алкохолни пијалоци, убедени се производителите.
На саемот на винот кој до 6-ти април се одржува во Пловдив, учествуваат производители на вино од 13 држави.