ПОЛОВИНА ОД РОДЕНИТЕ ДЕЦА СЕ ВОНБРАЧНИ: Склучување брак во време на пандемија само ако е итно
Објавено во: Балкан, Корона Вирус 15 Ноември, 2020
Во Словенија брак ќе може да се склучи само во итни случаи.
Министер во владата на Јанез Јанша ја наведе бременоста како оправдана причина за итна венчавка.
Во исклучителни случаи, паровите ќе можат да стапат во брак со примена на епидемиолошки мерки, присуство на матичар и најмногу две други лица. За да се одржи венчавката ќе им биде потребна дозвола и од надлежниот министер.
Речиси половина од децата родени во една година се родени во вонбрачни заедници, потврди статистиката во Словенија.
Во Словенија во последните 24 часа тестирани се 3.563 примероци, а позитивни на Ковид-19 биле 920 луѓе, додека 32 пациенти починале.