ПОМИНА И ПРВ АПРИЛ-Македонија повторно се разбуди со стари проблеми и без Собрание
Објавено во: Македонија 02 Април, 2017
Денот на шегата помина, „тиранската платформа“ остана да го кочи новиот избор на Собранискиот претседател.
Речиси пет дена пратениците дебатираа безцелно, за несуштинските прашања отколку за она што е важно и на дневен ред.
Реплики и контрареплики се изнаслушавме а Парламентот и по петтата рунда не се сконцентрира на изборот на нов собраниски спикер.
Претседавајќи со конститутивната седница Трајко Вељаноски почна да го исклучува микрофонот на политичките ривали, пратениците од СДСМ кои имаат парламентарно мнозинство.
Претпладневниот дел на петтото продолжение на конститутивната седница на Собранието , на која требаше да се избере претседател, го обележаа повторно бројни процедурални забелешки на пратениците на ВМРО ДПМНЕ на разни теми и нивни меѓусебни реплики и дополнувања со кои го блокираат изборот на претседател.
Во име на мнозинството, СДСМ за претседател го предложи Талат Џафери, пратеник на најголемата албанска партија ДУИ, но БЕСА најави дека нема да гласаат за него. Џафери може да биде избран и без гласовите на таа партија бидејќи преостануваат три членки на мнозинството - СДСМ, ДУИ и Алијансата за Албанците-имаат доволен број гласови за тоа или 62.
Во парламентот со 120 места , најмногу пратеници на последните избори доби ВМРО ДПМНЕ -51, СДСМ има 49, ДУИ 10, Беса -5, и Алијансата на албанците -3, најмалку освои ДПА или два пратеници.
Седницата на Собранието е прекината уште на 30 декември веднаш после верификацијата на мандатот на пратениците, тогаш поради непостоење на пратеничко мнозинство кое би избрало претседател.
Тоа го искористи ВМРО ДПМНЕ за да претседателот од претходниот состав, Вељаноски продолжи да претседава и со новиот состав, наместо тоа да му го препушти на најстариот пратеник.
Лидерот на СДСМ Заев во февруари со албанските партии ДУИ, БЕСА, Алијанса за Албанците формираше мнозинство и очекува после конституирањето на Собранието сепак од претседателот Иванов да го добие мандатот за да формира влада.
Можеби ќе ве интересира
ЗЕМЈОТРЕС ВО СКОПЈЕ: Не се знае колку степени беше, но дел од граѓаните велат бил значително силен
ДВЕ ЛИЦА ЗАГИНАА ВО СООБРАЌАЈКА НА ПАТОТ РАДОВИШ - ШТИП: едно лице е хоспитализирано
ГИ ИЗГРИЗАЛО КАБЛИТЕ ЗА ИНТЕРНЕТ - куче кое пропаднало во шахта ги остави без мрежа „Филип Втори“ и „Букурешт“
СООБРАЌАЈКА НА ПАТОТ РАДОВИШ - ШТИП: сообраќајот е во прекин
ЕЛЕКТРИЧЕН СТОЛБ ПАДНА НА ПАТОТ ГОСТИВАР - КИЧЕВО: кабли распослани по улицата, сообраќајот во прекин
ЕНОРМНО ЗГОЛЕМЕНИТЕ ПЛАТИ ЌЕ СЕ ВРЗАТ ЗА МИНИМАЛНАТА: Најчевска најавува „чистење“ преку укинување на бенефициите, еве што објави
ЌЕ СЕ СЛЕДАТ ТРАНСАКЦИИТЕ НА ФУНКЦИОНЕРИ, ОБВИНИТЕЛИ, БИЗНИСМЕНИ КОИ РАБОТАТ СО ДРЖАВАТА - еве што најави Димитриеска Кочоска
Стопанска комора: Избрзана, непазарна одлука за авто осигурувањето
КРИВИЧНИ ПРИЈАВИ ЗА УПРАВИТЕЛ И ДИРЕКТОР НА ЈП ПАЗАРИ БИТОЛА - злоупотребиле над 20 илјади евра
