Попаметниот попушта - Меркел нема да му возвраќа вербално на Ердоган
Објавено во: Свет 17 Март, 2017
Германската канцеларка Ангела Меркел нема да возврати на вербалните провокации кои ги упати турскиот претседател Реџеп Таип Ердоган и реши да не навлегува во натпревар на размена на истите, туку да сочека емоциите да се смират.
Во интервју за регионалниот весник „Саарбрикер цајтунг“, Меркел како смешно го оцени обвинението на Ердоган дека ги поддржувала терористите на Курдската работничка партија.
Судирот доаѓа откако Германија и Холандија им забранија на турските министри да одржуваат говори за промена на турскиот устав пред своите мигранти. Откако на Чавушоглу му беше забрането да слета во Ротердам, Ердоган ги нарече властите на Холандија фашисти и порача дека ќе се соочат со последиците.
Меркел застана во одбрана на Холандија и изјави дека доколку турските политичари сакаат да учествуваат во јавни настани во Германија треба отворено да посочат кој точно ќе учествува и со каква цел и потоа да се придржуваат кон законите и принципите на германскиот Устав.