ПОРАКИ ОД ВМРО-БНД: Да живее единствената и неделива бугарска нација, да живее Македонија!
Објавено во: Македонија 05 Септември, 2022
Македонија во моментов не е бугарска и интересот на Бугарите не е заштитен, велат од бугарската партија ВМРО-БНД.
ВМРО-БНД ја почна кампањата за парламентарните избори на местото на кое што загинал Тодор Александров на Пирин планина, пренесе БГНЕС.
Европратеникот Ангел Џамбаски порача дека Бугарија е на Бугарите, а не на туѓи сили и на секакви агенти.
„Да живее единствената и неделива бугарска нација. Да живее Македонија! Бугарија над се’“, изјави Џамбаски.
Вториот копретседател на ВМРО-БНД, Александар Сиди, го нападна поранешниот премиер Бојко Борисов дека за една ноќ си ја сменил позицијата и извршил предавство со прифаќањето на „францускиот предлог“. Третиот копретседател на партијата, Искрен Веселинов вели дека почнуваат поход за враќање на вистината во политиката.
Инаку, Џамбаски неодамна порача дека во Косово има многу Бугари и дека нивните права не се заштитени. Тој рече дека албанскиот национален херој Георг Кастриот Скендерберг „по мајка е Бугарин“.
Фото: Фејсбук / ВМРО-БНД