ПОТТИК НА ЕКОНОМИЈАТА: Ако купите вреден имот во Турција ќе добиете државјанство
Објавено во: Балкан 12 Јануари, 2017
Турција ќе му дава државјанство на секој кој инвестира или купува вредна сопственост во земјата. Мерката е во обид да и се даде нов поттик на влошената економија во земјата.
Пасоши ќе добиваат странците кои имаат купено турски имот во вредност од најмалку 1 милион долари, инвестирале најмалку 2 милиони долари во економијата или поседуваат најмалку 3 милиони долари во турски сметки.
Соопштението доаѓа покради тековните обиди на земјата да се справи со сериозниот пад на лирата, што според експертите се должи на нестабилноста во политиката и безбедноста во земјата, пренесуваат агенциите. Од истите причини минатата недела турскиот претседател Реџеп Ердоган најави дека талентирани и образовани сириски и ирачки бегалци ќе добијат турско државјанство, ако поминат одредени проверки.
Европската унија претходно ја повика Турција да им го олесни пристапот на сириски бегалци до пазарот на трудот, што барем во теорија би натерало повеќе од нив да не тргнуват на пат кон Западна и Северна Европа.