Повардарие им соопшти на лозарите да почекаат неколку дена за откупот
Објавено во: Агробизнис 10 Октомври, 2016
Винарската визба Повардарие од Неготино соопшти дека привремено го прекинува откупот на грозје бидејќи нивните преработувачки капацитети се полни и им порачуваат на лозарите да почекаат неколку дена со цел да не се создаваат непотребни редици.
- Тоа не значи дека нема да биде примено грозјето кое во моментов чека да биде примено. Се работи за околу1,5 милион килограми кое се наоѓа во долгата редица трактори пред винаријата. Бидејќи нашите капацитети за преработка се ограничени, мораме да го примиме и преработиме веќе собраниот род. Препорачуваме да не се берат дополнителни количини за да нема непотребни гужви и долги редици со трактори, рекоа од Повардарие.
Прекинот на откупот се однесува на сите откупни пунктови. Повардарие нагласи дека е меѓу ретките визби, можеби и единствена која се уште откупува грозје.
По времениот застој од три дена, откупот ќе продолжи.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
