Добивај вести на Viber
МВР објави дека се приведени крадци од Неготино за кражби во наколку наврати на турбинско масло од термоелектраната која работи на мазут во моментов со два котли. Кражбите се случувале во текот на изминатото лето.
„ОВР Неготино поднесе кривична пријава против Д.Д.(40) и Р.Ј.(63), двајцата од Неготино, поради постоење на основи на сомнение за сторено кривично дело кражба. Пријавените, вработени во АД „ТЕЦ Неготино“, во јуни 2022 година во повеќе наврати преточувале турбинско масло од резервоар од кругот на АД „ТЕЦ Неготино“, по што Д.Д. со своето возило во пластични туби го носел во својот дом“, пријави полицијата.
Кражба на турбинско масло во кругот на ТЕЦ „Неготино“ имаше и претходно ова лето, а тогаш беше и објавена количината од 3.500 литри. Случајот немаше разврска во јавноста.
-На ден 13.07.2022 година во 12 часот, од страна на лицето Н.A е пријавено дека во кругот на АД ТЕЦ Неготино, има кражба на турбинско масло, кое било складирано во резервоар и тоа по нивно интерно мерење, недостасуваат 3500 литри турбинско масло, рекоа од СВР Велес.