Пожарот меѓу Будинарци и Митрашинци е ставен под контрола
Објавено во: Македонија 24 Јули, 2022
Локализиран е пожарот меѓу беровските села Будинарци и Митрашинци, соопштија синоќа од Дирекцијата за заштита и спасување (ДЗС).
„Тимовите и сите други учесници се вратени во базите, а остануваат дежурни екипи од Шумското стопанство „Малешево“ – Берово. Во текот на утрешниот ден ќе се направи контрола на теренот“, објави ДЗС на својот профил на Фејсбук.
Додаваат дека пожарите ги гасеа тимови од ПОЗС Берово, Валандово и Куманово.
„Тимот од Свети Николе со пумпи беа ангажирани за полнење со вода базенот за полицискиот хеликоптер. Ер Тракторот денеска дејствуваше на неколку наврати до целосно локализирање на пожарот“, наведуваа од ДЗС.
Опожарени беа над 50 хектари шума. Пожарот избувна уште во средата. Општина Берово ги повика и локалните жители да помогнат. Лани имаше катастрофални пожари во Источна Македонија.фото Фејсбук