Познат мотивот за нападот во Нов Зеланд

Добивај вести на Viber

Човекот кој го изврши нападот во џамиите во Нов Зеланд, а при тоа уби 49 муслимани, бил опседнат од патувања, од историјата на Балканот и од теретани.

 Во нападот повеќе од 20 луѓе се здобија со сериозни повреди. Меѓу жртвите на нападот има и семејство од Сирија, убиени се татко и неговите две деца.

Австралијанецот Брентон Тарант (28), кој го изврши терористичкиот напад во двете џамии на Нов Зеланд се одмаздувал за терористичкиот напад кој се случи во Стокхолм во 2017 година и убиството на 11 годишното девојче Иби Акерлунд. Во девојчето со камион удри Узбекистанец и уби уште три лица. Тарант вели дека девојчето само се враќало од училиште и не заслужува да биде жртва.

Тој објавил манифест на 74 страници, во кој ги објаснува причините за нападот. Австралијанецот ги споменува Србите, Балканот и Косово, а доказ за неговата приврзаност е и оружјето и кутијата за муниција, каде имало написи на кирилица и на српски јазик.

Бил инспириран од делата на Норвежанецот Андерс Брејвик, кој во 2011 изврши масакр и уби 77 млади лица, најмногу Норвежани.

На социјалните мрежи тој објави и како тргнува во напад на џамиите и тоа со српската песна ,,Од Бихаќ до Петровец” , во која се споменува Радован Караџиќ.