ПРАВО НА АБОРТУС: Денес во оваа земја се гласа за отфрлање на страшните правила и казни за абортус
Објавено во: Свет 25 Мај, 2018
Конечно денес 3,2 милиони граѓани на Ирска коишто имаат право на глас ќе се изјаснуват на референдум за промени на ригорозните одредби за абортусот.
BBC пишува дека според сегашните законски решенија прекин на бременоста е дозволен само доколу таа го загрозува животот на мајката, а за илегален абортус се предвидува затворска казна од 14 години и токму поради оваа забрани огромен број на Ирки заминуваат во Велика Британија да направат абортус.
Целосната забрана на абортусот е воведена во 1983 година, а прекин на бременоста кога е загрозен животот на трудницата е дозволен со измени донесени во 2013 година.
Доколку укинувањето на осмиот амандман биде одобрено, ирската Влада најави дека ќе предложи закон со кој ќе се овозможува абортус до 12-та недела од бременоста.