Продолжен рокот за апликации за изградба на пречистителна станица во Скопје од 136 милиони евра
Објавено во: Економија 12 Август, 2020
ЈП Водовод и канализација - Скопје ја информира јавноста дека е продолжен рокот за поднесување на апликации за претквалификација за избор на најповолен понудувач за проектирање и изградба на постројка за третман на отпадни води.
Владата преку Европската инвестициона банка и Европската Банка за реконструкција и развој се затвори финансиската конструкција за проектот за изградба на пречистителна станица на град Скопје обезбеди 136.000.000 евра.
„Во моментов тече рокот за поднесување апликации за претквалификации за избор на најповолен понудувач за проектирање и изградба на постројка за третман на отпадни води Скопје. До сега околу 50-тина компании појавија интерес за превземање на документите за аплицирање. Со цел да се излезе во пресрет на потенцијалните апликанти и заинтересеирани страни, рокот за поднесување на апликациите се продолжува, па наместо на 17.08.2020 истиот истекува на 01.09.2020 во 12 часот по локално време“, објави комуналното претпријатие.